Абсурд як зброя.

Абсурд як зброя. Адзін з найбольш недаацэненых псыхічных сродкаў ёсьць абсурд. Рацыянальна заплянаваная ірацыянальнасьць — гэта магутны інструмэнт атакі на цела і псыхіку. Бяссэнсоўныя словы, бяссэнсоўныя дзеяньні і мэты служаць цалкам асэнсаванай мэце падаўленьня.

1. Некантралюемы стрэс:  

 

Любоўны стрэс, зразумець які немагчыма, шкодзіць мацней, чым зразумелы. Калі доктар тлумачыць сэнс працэдуры, яна пераносіцца лягчэй. Для прыніжэньня навабранцаў іх змушаюць рабіць бяссэнсоўныя дзеяньні, як фарбаваць траву ці стрыгчы яе манікюрнымі нажніцамі. Бясконцае выкапваньне і потым закопваньне яміны практыкавалася ў савецкіх і фашысцкіх канцлягерах для падаўленьня волі зьняволеных. Таму тут абсурд служыць як дадатковы катавальны інструмэнт.

2. Славесная абракадабра:  

 

Славесная салата — гэта ўлюбёны прыём ашуканцаў усіх відаў, а таксама носьбітаў цёмнай трыяды (псыхапаты, нарцысы, маніпулятары). Плынь бяссэнсоўных слоў ашуканца пераключае вашу ўвагу, перагружаючы прэфранталку, якая спрабуе нешта зразумець, што не дае вам шанцу заўважыць ашуканства. Гэта ёсьць клясычная DoS-атака на ваш мозг.

3. Дэзарыентацыя і адцягненьне. 

 

 Абсурд як зброя маскіроўкі прымушае вас лічыць сябе разумнейшым за атакуючага, а яго вы пачынаеце ўспрымаць глупым і перастаеце адсочваць яго намеры і адцягваецеся. Гэта і патрэбна — пад маскай глупага і недалёкага дурня, над якім пасьмейваюцца, значна прасьцей ашукваць і чыніць злачынствы. Калі немагчыма зразумець, дык ня трэба і разумець, што яму патрэбна, можна проста пачаць ігнараваць - то што і трэба злачынцу.

Калі вы разумееце, што абсурд — гэта ня глупства, а зброя, то вам прасьцей распазнаваць і супраціўляцца яму. Урэшце, як і любы прынцып, гэта можна выкарыстоўваць ня толькі ў разбуральных, але і ў карысных мэтах.

1. Гумар: 

Абсурдны недарэчны гумар — гэта вельмі сьмешна і цудоўна расслабляе. Асабліва прадуктыўна высьмейваць самога сябе і сваю «важнасьць».

2. Крэатыўнасьць: 

Абсурдныя ідэі прымушаюць мозг выйсьці за межы звычайнага шаблённага мысленьня і могуць спрыяць павелічэньню творчага патэнцыялу.

3. Дзэн: 

Разважаньне над часта бяссэнсоўнымі парадоксамі дапамагае разбурыць шаблёны ўспрыманьня і наблізіцца да прасвятлення.